SOFA ZZZZZZzzzzzzz

Já, nú er sko þreytan aðeins farin að segja til sín. Það er svo brjálað að gera í skólanum að ég fer í rúmið um klukkan 1 á kvöldin og þarf að vakna fyrir klukkan 6, svo ég sé nú búinn að róa magann og ljúka daglegum klósettknúsum mínum þannig að ég geti verið mætt í skólann klukkan 8. Svo það verður ekki mikið um svefn á þessum bænum þessa dagana.

Skilaði af mér STÓRU vinnublaði í ritgerðina í dag. Held það hafi verið um 50 jöfnur og útleiðslur, af einhverju nýju dóti. Enda er ég búin að vera að vinna við nákvæmlega þetta vinnublað í rúman mánuð og LOKSINS búin. Eigum að hitta kennarann okkar í síðasta skipti á morgun svo eins gott að ég náði að klára þetta. Svo nú er bara að takast á við næsta verkefni: Samsetning af reglunarlíkaninu og rafalslíkaninu. Það þarf svo að vera búið eftir 2 daga þar sem á föstudaginn fer ég í 3 daga JÓLAFRÍ :o)

Ætla reyndar að nota hluta af laugardeginum í að leiðrétta gömul skrif í ritgerðinni og mánudaginn í að skrifa einn spjall kafla.....but smá frí fyrir því :o)

Well.....best að halda áfram svo ég geti einhverntíman lagst á koddann zzzzzz..........

Verslunardagur aldarinnar

Já það má með sanni segja að það var verslunardagur aldarinnar í gær. Við Íris byrjuðum laugardaginn rétt upp úr 8 og skelltum okkur í strætó niður í miðbæ til að sækja þennan rosa fína kagga sem við höfðum leigt okkur saman. Brunuðum svo beinustu leið í Aldi til að versla allt sem þar fæst í jólamatinn. Fólk horfði á okkur STÓRUM augum þegar við þrömmuðum um búðina og stútfylltum kerruna okkar. Hún var svo full að það var orðið vandamál að fá hlutina til að passa í hana. Þetta varð líka hálfgert vandamál, því Aldi er hugsuð sem verslun þar sem fólk verslar frekar lítið í einu (sem er frekar undarlegt þar sem þetta er ódýrasta verslunin á svæðinu) og því er nánast ekkert pláss til að setja í poka við kassann (ekki svona færiband eins og á flestum stöðum heldur bara pínu ponsu borð). Þar af leiðandi þarf að setja vörurnar beint ofan í kerruna aftur þegar búið er að skanna þær, og það var engin leið fyrir okkur að geta tæmt alla kerruna upp á færibandið og nota síðan sömu kerru (dótið komst ekki allt upp á færibandið fyrir kassann, þó það sé vel stórt). Svo kassastrákurinn var nú svo sætur í sér að sækja auka kerru fyrir okkur til að raða ofaní. Þannig að það endaði með því að við gengum útúr búðinni með tvær pakkfullar kerrur og borguðum ekki nema rétt rúmar 600 DKK fyrir ;o) En þar sem við erum nú svo bilaðar, þá ákvaðum við meðan við fylltum bílinn af varningnum, að við þyrftum að versla örlítið meira og fórum því inn í búðina aðra ferð og bættum örlitlu við. Síðan var ferðinni heitið í Nettó sem er önnur svona ódýr búð, örlítið dýrari en með meira úrval. Þar byrgðum við okkur af Quality Streat konfekti og örlitlu af nokkrum nauðsynjavörum. Brunuðum svo í Fötex og versluðum nú ekki mikið þar. Þá var barasta að líða að hádegi svo ákveðið var að skella sér heim í smá pásu og mat. Eftir hádegi var svo ferðinni heitið í UPPÁHALDS búðina, eða Bilka. Sem er eins og USA Target eða RISA stór Hagkaup með mun meira úrvali og mun lægra verði. Þar var restinni af deginum eytt og verslað allt milli himins og jarðar. Ég gerði mér nú lítið fyrir og keypti eitt stykki RISA jólatré sem varla komst inn í bílinn, en það reddaðist á endanum. Lukum svo þessum gíga verslunarleiðangri á því að fara aftur í Nettó og versla jólagosið. Fólk starði stórum augum á okkur þegar við mættum á kassann með fulla kerru af gosi, eða 18 flöskur af 2L gosi. Þannig að um kvöldmatarleitið vorum við loksins komnar heim eftir vel heppnaðann dag. Buddan tóm en kælir, frystir, skápar og hillur stútfullar.

MY GOD

OHMYGOD ég hitti GUÐINN í dag. Var á gestafyrirlestrum frá 9 til 12 og svo á phd vörn frá 13 til 16 og HANN kom og hélt fyrirlestur og var svo prófdómari í verkefninu. Maðurinn er enginn annar en Hermann W. Dommel prófesor og doktor við University of British Columbia, Canada. Hann er maðurinnnnnn á bakvið líkanagerð og faðir "transient" hermunar. Sá sem bjó til og þróaði ALLT í sambandi við líkanagerð í háspennu. Ef þú hefur einhverntíman notað eða heyrt um Spice, PSpice, EMTP DIgSILENT Power Factory, EMTP Pscad, eða eitthvað annað þessháttar forrit, þá er hann höfuðið á bakvið allt saman. Hann er svona ekta afi, rosalega næs og veit bara allt. Örugglega gáfaðasta manneskja sem ég hef nokkurntíman hitt (og ég tók í höndina á honum). Hann er svo gamall að hann var með í TDC prófunum á sínum tíma, sem notuð voru áður en tölvan varð til að sjá um real time líkanagerð (þá er ég að tala um síðan fyrir 1960). Það var ekkert smá gaman að hlusta á hann og tala við hann eftirá, og hugsa sér, Wojciech getur sagt að hann hafi varið phd verkefnið sitt, sem nota bene var innan þessa sviðs og með tilvitnunum í MARGAR af greinum Dommel, og náð með HANN sem prófdómara. Ekkert smá flott. Ég var líka búinn að spjalla við hann í október þegar hann fékk að vita að Dommel kæmi til að dæma sig og váááá hvað hann varð stressaður, enda ekki furða maðurinn er SÉRFRÆÐINGUR á þessu sviði. En verkefnið ber titilinn Harmonics in transmission power systems, sem er allt hermt í DIgSILENT :o)
Ég verð nú að viðurkenna að það var pínu stressandi að sjá hann standa þarna einann fyrir framan 3 sénía og vera skotinn niður með spurningum, og eftirá þegar Wojciech var búinn og stressið að fara þá sagði hann bara við mig: Jæja nú ert þú næst, einmitt til að róa mig. En sem betur fer eru nú nokkur ár í þessar áhyggjur. Það var samt ekki laust við pínu stolt í okkur félögunum þegar Dommel sjálfur fór að tala um ráðstefnuna sem greininn okkar fer á næsta sumar, í Frakklandi. Gaman ef við hittum hann þar líka.
Smá fróðleikur fyrir þá sem ekki þekkja manninn:
Colleagues at the University of British Columbia describe Hermann Dommel as one of the great figures in electric power systems research this century. They say that in every aspect of his research he has been a pioneer, setting himself apart from the "pack" and putting himself at the forefront of his field.
Dommel is widely recognized as the "Father of EMTP." The Electromagnetic Analysis of Power Systems software package is used to analyze electromagnetic transients in electric power systems. The package, used by many utility companies and manufacturers throughout the world, predicts overvoltage surges caused by network switching and lightning.
Although most of Dommel's research has been in developing and improving the EMTP, he is equally well known for his contributions to optimal power flow theory and transient stability analysis. His works in these areas are still used today as the main reference landmarks for efficient computer solutions for large power systems. This work has allowed capital- and personnel-intensive analog simulators to be substituted with simple computer programs.



Anyways, hérna kemur smá samantekt á ferðalögum undanfarinna ára :o)

Hef víst einungis heimsótt 10% af veröldinni. Gunnar Máni hefur komið til nokkurra af þessum löndum: Danmörk, Króatía, Slóvenía, Þýskaland, Ítalía og Ísland.



Búðu til þitt eigið kort

Næst á dagskrá verður Grænland, vonandi sem fyrst. Já og svo fréttir dagsins:

Það er enn sumar í Danmörku (er samt loksins aðeins að byrja að kólna)
Við fáum líklega hvorki rauð, grá né hvít jól
Loksins búin að kaupa jólagjöfina handa betri helmingnum
Mig dauðlangar í Egils appelsínið og maltið sem bíður inni í geymslu
Það verður fjölgun á Næssundvej 78 næsta sumar

Betra seint en aldrei

Já það eru víst einhverjir farnir að velta því fyrir sér hvað gerst hefur síðustu vikur....eða mánuð hérna í Danaveldinu. En jæja jæja, ég er allavega á lífi, en varla þó. Brjálað að gera og ég er algerlega á haus í lærdómi. Ekki nema tæpur mánuður í skil hjá okkur og við eigum HAUG eftir að gera áður en við getum skilað verkefninu af okkur :o)

Fyrir utan lærdóm, lærdóm og já meiri lærdóm þá hélt ég eitt stykki danskan julefrokost fyrir krakkana úr skólanum. Það var rosalega gaman, við skiptum með okkur verkum og allir komu með eitthvað, endaði í ROSALEGRI matveislu þar sem alltof mikið af mat og alltof mikið af ákavíti var á boðstólnum ;o) Hlaðborðið byrjaði klukkan 19 á föstudagskvöldi á 3 tegundum af síldarréttum með rúgbrauði, eggjum, allskonar grænmeti og kartöfflusalati og að sjálfsögðu vantaði ekki hinar dönsku rauðbeður með. Þar á eftir kom milliréttur sem samanstóð af svokölluðum dönskum rétt sem heitir sulta (einhverskonar kjöthlaup með sósu og fleiru, rosa gott), heimabakaðri lyfrakæfu með beikoni, rúgbrauði og rauðbeðum, heimagerðum frikadellum (ekki alveg eins og kjötbollur en samt í áttina, inniheldur rjóma og fleira). Þegar allir voru afvelta af þessu áti þá kom loksins aðalrétturinn sem var hamborgarahryggur með ananas (á íslenska vísu), rifjasteik og purusteik með brúnni sósu, sykurbrúnuðum kartöfflum, grønlagskål (einhverskonar sull af grænu grænmeti og rjóma og kartöfflum og fleiru, ekki alveg fyrir minn smekk), heimagerðu rauðkáli, steiktum kartöfflum og snakki (don't ask why, Danir eru stundum skrítnir). Að sjálfsögðu voru allir gersamlega afvelta eftir þetta (ég held ég hafi borðað hálfa sneið af hamborgarahrygg) og þá var að sjálfsögðu fyrri eftirréttur, en það var Risalamande (kaldur hrísgrjónagrautur með rjóma og fíneríi, tekur nánast heilan dag að elda) með heitri rifsberjasultu og möndlu (að sjálfsögðu fylgdi möndlugjöfin) og ummmmm..þetta var algert æði. Þegar þessu öllu var svo lokið þá slúttuðum við átinu um klukkan 01:20 (ekki nema 6 og hálfur tími í að borða) með kaffi, heimagerðu konfekti og smákökum. Allt kvöldið var matnum að sjálfsögðu skolað niður með alvöru Álaborgar Ákavíti (sem er framleitt hérna niðri í miðbæ) og dönskum jólabjór (ég stalst reyndar líka í kókið þar sem ég er ekki með alveg sama júbbla úthald og þessir drykkjudanir ;o) ). Síðan sátum við ýmist uppi við matarborðið eða niðri í sófum og ræddum stjórnmál og fleira skemmtilegt til klukkan hálffimm um nóttina. Þetta var alveg rosalega gaman og frábært að prófa. Allir mjög hressir. Mér fannst samt furðulegast hversu mikið allir drukku af ákavíti, án þess að það sæist á þeim að þeir væru fullir. Engin læti og ekkert vesen, en samt NOKKRAR tómar flöskur á borðinu næsta dag. Síðan fór enginn frá borði fyrr en allir voru búnir að hjálpast að við að ganga frá og setja í uppþvottavélina og þau biðu líka eftir að vélin væri búin og hjálpuðu til við að ganga frá úr vélinni, alger lúxus að vakna næsta morgun að hreinu húsi :o)

Well set nokkrar skemmtilegar myndir úr veislunni með. Síðan reyni ég að segja einhverjar skemmtilegar fréttir næst (vonandi minna en mánuður í það).

Skál í boðinu

Kim ræðuhaldari

Nei Bjarne, mig langar ekki í ákavíti

Per og bláa salatskálin

Uffe engill

Mér tókst líka að vera með á 1 mynd

Lammekød og Ora bønner

Yessssssir.....íslenskt lambakjöt, sykurbrúnaðar kartöfflur, rauðkál og grænar ORA baunir klikkar aldrei.
Fengum gluggagægjina okkar á móti í mat og hámuðum í okkur íslenskt góðgæti ;o)
Rosa gaman, enda hefur ekki verið mikill tími frá skólanum og fjölskyldunni til að gera eitt né neitt saman, þó það séu ekki nema u.þ.b. 10 skref á milli okkar. Krakkarnir voru líka rosalega ánægð að hittast og leika, þó svo að litli skriðdrekinn minn hafi einstaka sinnum gengið aðeins of nærri vinkonu sinni og fengið að fara tvisvar í skammakrókinn. Hann var þó heilmikill herramaður í endann og bæði kyssti hana Rakel sína á munninn, tók í hendina og knúsaði bless.

Annars var ég að fá mjög skemmtilegt email þess efnis að abstractið fyrir ritgerðina okkar hefur verið samþykkt og eigum við að skila rgreininni 27. janúar næstkomandi. Þannig að það er heilmikil vinna framundan í þeim málefnum.

--------
On behalf of the IPST Conference 2007, I am pleased to inform you that your paper abstract, titled

Advantages in using Kalman phasor estimation in numerical differential protective relaying compared to the Fourier estimation methods
Paper ID number: 63
has been accepted.
--------

Ef þið eruð spennt og forvitin þá er þetta ráðstefnan sem við sendum greinina okkar á: IPST 2007. Annars var ég víst alltaf búin að gleyma að lofa ykkur að sjá heimasíðuna þar sem viðtölin við okkur Per eru birt. Unnur Stella og Per. Myndin af mér er reyndar hræðileg, en þið verðið bara að horfa framhjá því ;o)

Well annars er bara nóg að gera í skólanum. Aðeins betra veður hérna en heima, enginn snjór, en sól og 6 stiga hiti í dag (var 10 stiga hiti í gær). Ég nýt veðursins hinsvegar ekki þar sem ég eyði öllum mínum tíma við skrifborð annaðhvort hérna heima eða niðri í skóla. Og einmitt af því tilefni ætla ég nú að leggjast undir feld ásamt fartölvunni og skrifa nokkrar línur um parameterestimation og samantekt á teoríu fyrir stýringu á synchronous rafal :o)

Loksins komin lausn

Jæja, þrátt fyrir allt þetta vesen með tölvuna og hversu mikið gölluð og drasl hún er þá verð ég nú að hrósa pínulítið honum Rúnari hjá Svar tækni. Í dag bauð hann mér nefnilega nýja tölvu meðan verið er að vinna í tölvunni minni og skoða hvað gera þurfi. Þeir ætluðu að senda mér nýja tölvu með DHL í dag (kostar milli 25 og 30 þús samkvæmt verðskrá DHL)og á hún að koma til mín á morgun, eða snemma á föstudag. Ég sendi svo mína tölvu bara með venjulegum pósti til þeirra og þeir ætla að kíkja rækilega á hana og reyna að komast að niðurstöðu um hvað eigi að gera. Hvort þeir eigi að senda hana til Acer, sem gallaða tölvu og láta mig fá nýja, eða hvort þeir telji sig geta gert við hana í eitt skipti fyrir öll. Allavega þá verð ég ekki tölvulaus og fæ meira að segja lánstölvu sem er öflugri en sú sem ég á sjálf.....ekki slæmt það ;o)

Svo þó svo að ég kaupi aldrei Acer aftur, þá hugsa ég að ég væri alveg til í að versla við Svar, ef þeir seldu annað merki en Acer.

En svona að gamni fyrir Simpsons fíkla eins og mig, þá er Simpsons the movie væntanleg 27 júlí á næsta ári og mæli ég EINSTAKLEGA mikið með að þið skoðið þennan link: Simpsons the movie Enjoy

Það á ekki af manni að ganga

Já það er rétt sem þið tókuð eftir,
heimurinn skalf allur í eftirmiðdaginn í dag og átti það upptök sín hérna í Álaborg. Ég var búin að vara ykkur við að ég gæti ekkert að þessu gert, en nú er enn einu sinni JÁ ENN EINU SINNI tölvan mín biluð. Það einasta eina sem ekki var búið að skipta um, skjárinn er bilaður. Hvernig veit ég það, jú hún kveikir á sér og það kemur hljóð og ef ég tengi hana við skjáinn af heimatölvunni þá get ég sko alveg unnið fínt á henni, ég þarf bara að horfa á heimaskjáinn en ekki fartölvuskjáinn. Sjáið þið mig ekki fyrir ykkur hjólandi í skólann með tölvutöskuna á bakinu, Gunnar Mána í stólnum og 17" (ekki flatskjá) skjáinn í körfu framan á hjólinu. Frábær lausn á fartölvuveseni.

þið skuluð ALDREI ég segi ALDREI kaupa nokkra einustu vöru sem hefur merkið Acer. Rándýrt drasl sem ekkert getur.

ARG, ég er svo reið og pirruð núna að mér væri skapi næst að fara upp í næstu flugvél til Íslands og banka upp á hjá framkvæmdarstjóra Svars. Veit ekki einu sinni hvað ég á að skrifa hérna ég er svo brjáluð.

Vonandi verður nýr og betri dagur þegar ég vakna á morgun.

USA grín og bjórumræður

Veturinn kom loksins 1. nóvember. Þá kom allavega snjórinn og daginn eftir var ROSALEGA mikið frost og við að krókna. Kyndingin í húsinu okkar fór sko á fullt og við sátum samt í ullarpeysum og sokkum undir dúnsængunum okkar. Á sama tíma fór rafmagnið af Þýskalandi og brjálað veður í Svíþjóð og á Atlantshafi sökkti einu stykki flutningaskipi, ægilega skemmtilegt veðurfar í Evrópu. En nóg um það, hitastigið aftur búið að lagast og rigninginn komin enn á ný.

Fór í bíó í gær með nokkrum félögum, nánar tiltekið Louise, Uffe og Per. Við ákváðum að sjá þá stórskemmtilegu og margumtöluðu Borat. Ekkert smá frábær, gerir 10.000 sinnum meira grín að Bandaríkjunum en Kazakstan. Vá hvað sumir Bandaríkjamenn eru skrýtnir og segja furðulega hluti þegar þeir halda að enginn sjái til. Einn mælir sérstaklega með ákveðinni byssu til að skjóta gyðinga og annar mælir sérstaklega með bíl sem skemmist minnst þegar keyrt er á hóp sígauna. New York búar flýja í hrönnum og hóta morði og öllu illu, þegar verið er að reyna að heilsa þeim á kurteisan máta með koss á kinn og hvítir unglingsstrákar gráta það að ekki séu lengur þrælar í Bandaríkjunum. Allavega, þetta er sko MUST SE bíómynd, frábærlega gerð og flettir ofan af mörgu sem ekki ætti að fletta ofan af ;o)

Fórum eftirá til að fá okkur einn öllara þar sem jólabjórinn hóf inngöngu sína á föstudaginn. En þegar jólabjórinn kemur þá flippa allir Danir. Það er nefnilega þannig að allsstaðar er byrjað að selja hann á sama tíma, klukkan 20:00 síðasta föstudagskvöld var sá tímapunktur. Þá getur þú líka farið niður í Götu og fengið gefins jólabjór, eins og þú getur í þig látið, enda prófaði Jóhann það og gat ansi mikið í sig látið :o)
Við fórum á einn veitingastað á Boulevarden og fengum okkur öll sitthvora tegundina, fyrst voru notaðar næstum því 20 mínútur í að velja sér rétta bjórinn, svo var fyrsti sopinn tekinn með almennilegu skål. Þar á eftir var rökrætt í næstum heila klukkustund hvernig sopinn smakkaðist og hvað væri öðruvísi frá í fyrra, hvað mætti betur fara og hvað væri gott. Þessi bjórdrykkjuhefð Dana er alveg ofsalega skemmtileg. Við fengum okkur bara 1 glas og sátum og rökræddum mismunandi bjórtegundir og hvernig þær bragðast. Það er svo gaman að sitja í góðum hóp Dana og ræða þessi málefni, enda eru þeir algerir SNILLINGAR þegar kemur að bjórmálefnum :o)

well, fer til Tjele að mæla og leika mér á morgun. Ætla að prófa að tengja inn og út nokkur þéttavirki og einstakar spólur og sjá hvað gerist :o) Ef við gerum pínu vitleysu þá verða ansi margir Danir frekar reiðir við okkur, þar sem það getur endað í straumleysi alls Jótlands.......Wish me luck.

Nýjasta tíska í hattamenningunni, fyrirsætur: Gunnar Máni og Rakel rólóbörn

Alltof margar myndir og enn lengra blogg

Guten Tag meine Damen und Herren


FRÁBÆR ferð til Þýskalands að baki.

Fórum klukkan 7:30 héðan úr húsinu á sunnudagsmorguninn. Sóttum bæði Per og Thomas sem svo biðu með okkur eftir rútunni, þar sem við vorum ansi mikið of snemma á ferðinni :o)

Lentum í miklum ævintýrum á leiðinni, t.d. bilaði rútan okkar, svo við vorum næstum 4 tíma að keyra til Árósa (sem tekur venjulega um 1 og 1/2 tíma). Fengum loks nýja rútu og gátum haldið aftur af stað. Við vorum 30 saman í þessari ferð, bæði útskrifaðir og óútskrifaðir verkfræðingar. Byrjuðum á sunnudagskvöldið á því að skoða vatns/vind/sólarorkuver sem er svona raforkugeymslustöð. Ef t.d. kjarnorkuver í Þýskalandi dettur út, þá er hægt að framleiða orku og dæla inn á netið. Ef rosa mikill vindur er, þá er hægt að pumpa upp vatni og geyma þannig raforkuna sem stöðuorku til bæði reglunar og seinni notkunar. En það er einmitt eitt stærsta vandamál vindorkuvitleysunnar í Danmörku, þar sem Danir þurfa að borga aukalega fyrir og gefa bæði þjóðverjum, svíum og norðmönnum alla sína umframorku, þar sem þeir hafa engin vatnsfull fjöll til að nota til svona reglunar ;o)

Við gistum svo nóttina í Hamborg og fórum á rauðu götuna í Hamborg, sem er sú allra stærsta og mesta þess eðlis sem ég hef nokkurn tíman séð. Allavega snæddum þar æðislegar nautasteikur og fengum okkur RISA ís í eftirrétt, fyrir nánast ekkert verð. Sáum ENDALAUST úrval af hjálpartækjaverslunum, kynlífsbíóhús, styttur og myndir og ljós og hvaðeina, auk að sjálfsögðu þýsku stúlknanna með mittistöskurnar, já þýskar hjásvæfur þekkjast á því að þær ganga allar saman með mittistösku í stíl við þær sem voru gefnar af Búnaðarbankanum þáverandi þegar ég var að fermast :o)

Notuðum mánudaginn í MIKLA keyrslu. Fórum að skoða kjarnorkuver sem vitleysingjarnir þýsku stjórnmálamennirnir eru að rífa niður. Þetta er ver númer 2, en búið er að gera áætlun um að rífa öll kjarnorkuver í Þýskalandi, þó svo að þeir séu ekki með neinar áætlanir um byggingu nýrra raforkuvera, í endalaust vaxandi eftirspurn eftir rafmagni. Enda eru nágrannabyggðirnar Pólverjar og fleiri sem vinna á fullu í byggingu sinna kjarnorkuvera, hinir hæstánægðustu, þar sem eftir örfá ár þurfa Þjóðverjar að kaupa raforku frá þeim, dýrum dómi.

Fundum engan mister Burns og engan Homer Simpson í kjarnorkuverinu, en komumst að því að þau eru byggð til að þola nýju risa tveggja hæða Airbus farþegaflugvélarnar, skyldi einhver ætla sér að fljúga einni þannig á verið. Auk þess sem þau eru sprengjuþétt og allt þétt ;o)
Fengum reyndar að vita að 11. september teygði anga sína þangað inn, þar sem upp komst að einn flugmannanna á tvíturnana hafði verið í skoðunarferð um verið einungis 3 mánuðum fyrir 11. september 2001 og var því verinu algerlega lokað í rúmt ár. Aumingjans þýsku námsmennirnir sem voru að skrifa phd verkefnin sín fengu ekki einu sinni að komast nálægt verinu.

Sáum þennan mikla mánudag einnig stærstu vindmyllu í heimi, en hún er með 5MW framleiðslugetu, en venjulega þykir 2,5 MW framleiðslugeta vindmylla mjög mikið. Þessi vindmylla var með haus á stærð við 8 hæða byggingu og staurinn undir spaðahúsinu veit ég ekki hversu hátt var, en við getum alla vega orðað það þannig að ég væri ekki til í að klifra upp stigana í húsið ;o) Fengum líka að sjá inn í aðra vindmyllu sem var ívið minni, eða ekki nema um 2 MW en hefur þann snilldar eiginleika að geta virkað sem “synchrounous condenser” og þarmeð framleitt sýndarafl og reglað spennuna á kerfinu, en Þjóðverjinn sem sýndi okkur hana hafði það á orði að honum þætti ákaflega merkilegt að danskir verkfræðingar væru komnir í ferðalag til Þýskalands til að skoða vindmyllur, ekki skrítið þar sem Vestas í Danmörku er með 50% markaðshlutdeild á vindmyllumarkaði heimsins, og Þýskaland c.a. 13%.

Má samt ALLS ekki gleyma að segja ykkur, að núna LOKSINS var ég ekki ein um það að blaðra um háspennulínur 70% af bílferðinni og vera þarmeð álitin skrýtin og furðuleg. Við vorum öll jafn slæm og myndavélin á lofti fram og til baka. Tókum nákvæmlega 34 myndir af möstrum með hangandi vírum á og fórum í gegnum all margar rökræður um uppbyggingu og notkun þessara frábæru mastra ;o)

Anyways set inn slatta af myndum fyrir ykkur að njóta :o)

Loise og Thomas komin í ölið

Kim fékk sér líka einn sopa

Per að gera grín

Yfirlit yfir snilldar raforku"geymslu"verið

Sólarorkuspjöld í brekkunni, 50 kW og rörin fyrir vatnið

Lokan sem hleypir vatni á pumpurnar

Vafningar á stator og rotorpólar á vatnsrafal

Komin að borða á rauðu götunni, ég, Per, Kim og Loise

Thomas var líka með :o)

Hamborgarhöfn

Morgunhress hópur

Loise komin með morgunkaffið sitt, allt önnur manneskja :o)

Kjarnorkuverið

Líkan af kjarnorkuverinu, kjarnaofninn er þessi rauði í miðjunni, númer 2 er kælivatn að kjarnaofninum og númer 3 er heitt vatn sem kemur frá kljúfinum. Kúlan utanum er styrkjandi bæði að innan og utan, svo ef ráðist á að utan á hún að standa, og ef eitthvað gerist að innan á hún að verja umhverfið

Fengum ekki sjálf að taka myndir inni, en þýski leiðsögumaðurinn gerði það fyrir okkur. Hér sjást nokkrir af ferðafélögum mínum í dressinu sem allir þurftu að vera í. Hver einn og einasti var geislaskannaður 3 á ferð sinni um verið og 2 áður en hann fékk að fara út úr byggingunni. Bannað að taka úran með sér, svo margir hafa áður lennt í því að þurfa að skilja úr eftir sem eru með sjálflýsandi vísa, því þau taka upp úran úr umhverfinu. Einnig voru allir vinnumenn í heilgalla frá fyrirtækinu og var hluti af því bæði skærbláar og skærgular latex nærbuxur, einstaklega smekklegt

Eitt af multifunctional möstrunum

Hópurinn við mega mylluna-Kim, Louise, Thomas, Per og ég

Risa efnaverksmiðja nálægt kjarnorkuverinu

Vindmyllan sem við fengum að fara inn í

Skólabókalestur í næstum 10 klukkutíma rútuferð heim, fyrirsætan er Kim

Októberfest og Hamborg

Yes, eins og titillinn segir til um, þá fór ég á frábæra októberfest í skólanum í gær, og er á leið til Hamborgar í Þýskalandi ELDSNEMMA í fyrramálið. Eigum að mæta 8:45 niðri í miðbæ og rútan leggur þá af stað. Svo eigum við að lennda í Hamborg um 18 á morgun eftir LANGA rútuferð. Frítt kvöld, annað kvöld og svo kjarnorkuver, stærsta vindmylla í Evrópu og vatnsorkuver á mánudaginn. Heim aftur eftir miðnætti á mánudagskvöldið og skóli klukkan 8 á þriðjudagsmorgun ;o)

Allavega, tek með mér myndavélina en skelli hérna inn nokkrum frá októberfest í gærkvöldi.

Louise barþjónustukona

Þýska blásturshljómsveitin

Per, Kim og Thomas

Dönsk októberfest :o)

Við Louise

Thomas í vinnunni

Íslenskir piltar einnig á svæðinu

Tölvan komin í hús

Jájájá alveg rétt, ég er komin með Acer tölvuna mína í hendurnar aftur. Þetta var nú allt saman frekar fyndið. Tengdó kom í gærkvöldi, með tölvuna í farteskinu. Að sjálfsögðu er tölvan það fyrsta sem við kíkjum á, kveikjum á henni og svona. Svo ætla ég að stinga henni í samband svo hún verði nú ekki rafmagnslaus og viti menn ENGINN SPENNUBREYTIR!!!!!!!!!!!! OHMYGOD hvað er málið með mig og mína heppni með tölvur. Allavega ég ætla að vera alveg brjáluð og hringja í dag strax og þeir opna. Viti menn, haldiði ekki að tengdó hringi í mig í skólann rétt áður en Svar opnar og tilkynnir mér að það hafi verið að koma gaur frá DHL með hraðsendingu frá Svar á Íslandi. Hún opnar pakkann og viti menn og konur, þarna er spennubreytirinn kominn til Danmerkur. Ég get rétt svo ímyndað hvernig allt hefur farið á hvolf seint í fyrradag eða í gær (tengdó sótti tölvuna rétt fyrir lokun í fyrradag) þegar þeir hafa séð að þeir gleymdu að setja spennubreytinn í kassann. Einhver hefur gargað HRINGIÐ Í DHL út með þetta STRAX, ég er búin að vera svo mikið til vandræða og hóta öllu illu og alveg brjáluð við eiganda fyrirtækisins að þeir eru örugglega orðnir skíthræddir við mig ;o)

Allavega tölvan OG spennubreytirinn er komið í hús á Næssundvej 78 og allt virkar ENNÞÁ.


Allir Íslendingar sem ég þekki eru orðnir svo miklir veðurbloggarar að ég verð að bæta við smávegis veðurfréttum frá Álaborg. Eins og ég hef lesið um Boston og NY, þá er svipað hitastig hérna, eða um 10-15 gráður, en frekar kalt útaf öllum rakanum. Svo ég hjóla með hanska á morgnana og heim á stuttermabolnum. Reyndar búið að rigna flesta daga í þessari viku, enda komið vetrarhaust hérna. Til vitnis um það er búið að spá fyrsta hauststorminum í nótt. Það á að hefjast um 12 í kvöld fyrir vestan Danmök og verður stormurinn kominn inn yfir Álaborg um 11 í fyrramálið. Búið að spá um og yfir 25 m/s svo við drifum okkur í því að taka öll garðhúsgögnin og setja þau inn í geymslurnar okkar (bæði borðin og sólhlífina, alla stólana, rennibrautina, sandkassann, róluna, öll blómin mín, grillið og hjólin okkar). Allavega við vonum bara að húsið með okkur öllum innanborðs fjúki ekki og að við komumst heilu á höldnu í skólann í fyrramálið :o)

Ég elska tölvur dadada

Já, viti menn og konur,
hann Rúnar "besti buddyinn minn" og eigandi Svar Tækni var að enda við að hringja í mig (meira að segja eftir lokunartíma hjá þeim) til að láta mig vita af því að tölvan mín er loksins komin í gang. OHMYGOD ég er búin að bíða eftir þessu í LANGAN tíma. Allavega þá komust þeir að því að móðurborðið væri bilað svo þeir skiptu um það (eins og kannski glöggir lesendur muna þá skiptu þeir síðast um harðan disk og mynni). Anyways, nýtt móðurborð komið í tölvuna mína (í annað skipti og hún er rétt árs gömul) og tengdó getur sótt tölvuna til þeirra á morgun og komið með hana með sér þegar hún kemur á miðvikudaginn. VÁÁÁÁÁÁ hvað ég hlakka til að fá tölvuna mína aftur, og eins gott að hún VIRKI í þetta skiptið. Nenni sko ekki að fara að senda hana til þeirra enn eina ferðina og rífast í þeim. Veit ekki alveg hvað ætti að skipta um næst. Svo hérna verður bara dansaður stríðsdans í kvöld þar sem ekki á morgun, heldur hinn, get ég eytt öllu kvöldinu í að flytja öll gögnin á milli tölvanna og setja upp öll þau SKRILLJÓN forrit sem ég þarf að nota. Og svo get ég actually keyrt matlab á fimmtudaginn og það mun taka minna en tvo tíma að keyra eitt auðvelt umbreytiforrit ;o)

Ef þið hinsvegar lesið í fréttum frá Danaveldi á fimmtudaginn, að óútskýranlegt öskur, með uppsprettu í Álaborg, hafi hljómað um allt landið og valdið hreyfingu á jarðskjálftamælum í Þýskalandi. Þá megið þið gera þá ályktun að tölvan sé enn biluð og ég sé gengin af göflunum og ætli að setjast að uppi í fjöllum og flytjast til Grýlu og Leppalúða, og muni færa ykkur öllum ósoðna og hálf myglaða kartöfflu í skóinn eftir 52 daga.

Aftur orðin þrjú í kotinu

Já nú eru mamma og pabbi farin áfram til Englands, þar sem þau ætla að skella sér á fótboltaleik á morgun og njóta lífsins fram á þriðjudag. Við keyrðum þau á flugvöllinn í Árósum og svo skilaði ég bílnum á flugvöllinn hérna í Álaborg. Við sjáum nú heilmikið eftir þeim og eigum eftir að sakna þess að sjá þau ekki nema bara kannski í janúar.

Við verðum nú samt ekki lengi ein í kotinu þar sem tengdó kemur í heimsókn eftir 4 daga og verður fram á sunnudaginn næsta. En þann sunnudagsmorgun legg ég einmitt líka af stað til Þýskalands, þar sem ég mun verja einni nótt í Hamborg og nota svo mánudaginn í að fara um kjarnorkuver, skoða stærstu vindmyllu heims og líta á eitt vatnsorkuver. Hlakka rosalega til og lofa að taka eins margar myndir og ég get.

Í gær skellti ég mér á fredagsbarinn með Lullo, Bjarne og Per og hann Thomas vinur okkar, sem er útskrifaður og farinn að vinna, gerði okkur glaðan dag með því að koma líka. Við fórum svo eftirá og gæddum okkur á Klingenberg pizzu, þar sem þær hafa ekki verið testaðar síðan í verkefnaskilum í vor. Ákváðum einnig að nú væri kominn tími á að gera eitthvað saman og skipulögðum partý heima hjá mér í nóvember og svo galaball heima hjá Thomasi í febrúar á næsta ári, betra að vera svona frekar tímanlega í þessu :o)

Well, ætla að klára nokkrar línur í verkefninu og fara svo að glápa aðeins á imbann með manninum, svona þar sem það er nú einu sinni laugardagskvöld.

Verið að gefa afmælisdrengnum íslenskar nýbakaðar vöfflur og ÍSLENSKT heitt súkkulaði

Ég ætla að vera svona ástfangin eftir meira en 41 ára langt hjónaband

Fullur frystir og afmælisveisla

Jæja loksis loksins eru mamma og pabbi komin :o)

Þau komu á föstudag og höfðu eins og venjulega fulla 20 kg tösku af mat handa okkur, eins og t.d. íslenskan fisk, íslenskt lambakjöt, íslenskt slátur, Royal lyftiduft, Kötlu vanilludropa, FULLT af íslensku nammi og Nóa sirius konsum súkkulaði ;o)

Í gær héldum við svo afmælisveislu fyrir litla pjakkinn þar sem hann verður 2 ára á miðvikudaginn og kom barasta heilmikið af gestum, allavega þegar maður hugsar til þess að í fyrra komu bara Steinar með Axel og Ilmi :o) Ég stóð sveitt í eldhúsinu allan morguninn til að uppfylla óskir barnsins um traktora köku og var afraksturinn bara ágætur, nema það að enginn þorði að borða sjálfan traktorinn og var bara grasið og vegurinn undir honum borðað, svo nú höfum við stóran súkkulaðitraktor á borðinu til að narta í næstu daga, með harðfiskinum og smjörinu ;o)

Við hjónin ætlum nú líka aðeins að nota ömmuna og afann og erum búin að reka þau út í dag með barnið (þau fóru í Blokhus eða Árósa og eitthvað skemmtilegt) og erum sjálf að nýta tímann til að læra, svo ætlum við í vikunni að skreppa saman út að borða og í bíó.....Alger lúxus hér á bæ.

Nýjustu draumórarnir okkar eru að skreppa heim í janúar í MJÖG stutt stopp. Eða það er að segja, við förum til USA með millilendingu á Íslandi, þar sem við komum prinsinum í pössun hjá ættingjum og höldum svo áfram tvö ein til Orlando eða Miami og gerum eitthvað skemmtilegt. Við höfum á þessum 2 árum síðan hann fæddist ekki farið tvö ein nema mest í 1 nótt og þá bara á hótel á brúðkaupsafmælunum okkar. Og ég held barasta að við höfum farið saman út ekki fleiri en 10 kvöldstundir í það heila, svo nú er kominn tími til að sletta úr klaufunum saman :o)
En eins og ég sagði eru þetta bara draumórar og er allt háð tekjum og högum. Við erum víst bara fátækir námsmenn, allavega þar til næsta haust.

Mamma og pabbi mætt á svæðið

Súkkulaði traktorinn tilbúinn

Mömmurnar í afmælinu, börnin voru öll á sama aldri

Ég lofaði víst einhverjum myndum :o)

Stærri hillan í skrifstofunni, allar bækurnar mínar á sínum stað, en samt enn meira pláss

Skrifborðið komið við gluggann og minni hillan við hliðina á. Þarna er líka mikið pláss ;o)

Elhúsið fyrir breytingu

Eldhúsið eftir breytingu, fína fína uppþvottavélin okkar, í nýmáluðu innréttingunni, með höldunum sem við keyptum og settum á

Stórglæsilega eldhúsborðið okkar. Hérna er það ekki með stækkun, en þegar hún er líka, stækkar það um heila 50 cm, og þá geta 3 stólar verið sitthvorum megin við borðið og 2 aukalega á endunum.

Eldhúsborðið frá öðru sjónarhorni

Við keyptum þennan líka rosa fína spegil í forstofuna í Hansen Møbler. Rosa fín þjónusta þar (hillurnar eru líka þaðan)

Hluti af gömlu skrifstofuhillunni er vel nýttur í geymslunni að framan :o)

Loksins loksins loksins

Við gerðum þau stórgóðu kaup þann fyrsta ágúst síðastliðinn (fyrir rétt rúmum tveimur mánuðum síðan) og keyptum okkur nýtt framtíðar borðstofuborð. Þetta var alveg geggjað borð, hvítt og RISASTÓRT. Við hæstánægð og hlökkuðum mikið til að eyða peningunum í þetta líka stórglæsilega borð, ásamt 6 stólum, þrömmuðum að búðarborðinu og pöntuðum borðið.......jú sko, þetta borð er ekki til í augnablikinu, en það kemur aftur 5. október. WHAT!!!!! 5. október, en það eru meira en tveir mánuðir í 5. október og þetta kostar okkur næstum því barasta heil árslaun. Já því miður, það bara er uppselt og verður ekki til fyrr en 5. október, jáenjáenjáen, við erum búin að leita út um allt, alveg endalaust að borði sem við gjörsamlega föllum fyrir og þetta er BORÐIÐ.....JÆJA þá, við kaupum borðið og bíðum í rúma tvo mánuði.....Svo viti menn og konur, borðið barasta kom heim til okkar í stórum sendiferðabíl núna fyrir helgi. Og ohmygod hvað það er flott. Alveg þess virði að bíða í rúma tvo mánuði eftir :o)

Annars erum við búin að gera heilmiklar breytingar hérna hjá okkur. Máluðum í sumar eldhúsinnréttinguna eins og þið kannski munið, komin með 8 manna eldhúsborð og 6 stóla (erum reyndar ekki með stækkunina á dagsdaglega, en það er sko 107cm á breydd, en prófuðum að hafa stækkunina fyrsta daginn og það er HUGES), komin með hvítmálaðan antikspegil í forstofuna, búin að rífa upp teppið í forstofunni og finna nýtt (kaupum það þegar mamma og pabbi koma í heimsókn afþví þau verða með bíl), búin að snúa við stofunni, setja upp hillur í geymsluna úti og umturna lærdómsherberginu mínu og kaupa hillur undir allar bækurnar og möppurnar sem voru að flæða útum öll gólf. Næst á dagskrá er uppþvottavél, sem við erum búin að kaupa og átti að koma á fimmtudaginn en seinkaði og kemur á MORGUN!!!!! ;o)

Ég lofa að setja inn myndir af öllum þessum herlegheitum þegar uppþvottavélin er líka komin.

Annars höfum við voðalega lítið annað gert, fórum út að borða í tilefni 10 ára afmælisins og Íris æðislega reddaði okkur afþví allar barnapíurnar á svæðinu voru uppteknar. Svo fór Jóhann á Rusfest í gær með félögunum og í bæinn á eftir. Rosa fjör það. Þeir komu nokkrir fyrst hingað í gærkvöldi og fengu að gæða sér á Íslensku brennivíni ásamt Opal og Topas snöfsum. Ætlum að reyna að fá barnapíu fljótlega og skreppa kannski í bíó, ef það er eitthvað skemmtilegt í boði. Svo langar okkur einn daginn að fara saman að djamma í bænum, höfum aldrei gert það í Danmörku. Þar að auki er ég að reyna að draga hana Írisi út á lífið og ætla í því skyni annaðhvort að halda partý eða redda okkur í einhverja fest hjá þessum danavinum mínum....en betur af því seinna, þar sem næstu helgar eru bókaðar og uppteknar ;o)

10 ár er langur tími

1996

1998

2000

2003

2006